Қирғизистон парламенти депутатлари Дайир Кенекеевнинг мамлакат бош вазири ўринбосарлигига номзодини бошқа бош вазир ўринбосари — Дуйшенбек Зилалиев тақдим этганидан норозилик билдирди. Бу ҳақда K-News хабар бермоқда.
«Парламент амалиётида илк бор бир бош вазир ўринбосари иккинчисини тақдим этаётганини кузатяпмиз. Мавқейи тенг бўлганлар номзод кўрсатиши мумкин эмас. Ҳукумат раҳбари ўринбосарини шахсан ўзи тақдим этиши керак эди», — деди депутат Канибек Иманалиев. Унинг эътирозини депутат Жанар Акаев қўллаб-қувватлади.
Дуйшенбек Зилалиев нега айнан унга Кенекеев номзодини депутатларга тақдим этиш топширилганига изоҳ берди.
«Бош вазир ва бош вазирнинг биринчи ўринбосари айни пайтда йўқ, шу сабабли ҳукуматнинг янги аъзосини тақдим этиш менга топширилди», — тушунтирди Зилалиев.
Ҳукумат Дайир Кенекеев номзодини жорий йил 7 октябрда ЙТҲда ҳалок бўлган Темир Жумақодиров ўрнига таклиф этганди.
Парламент охир-оқибат номзодни тасдиқлади. Дайир Кенекеев ҳукуматда иқтисодиёт масалаларини назорат қилади.
Изоҳ (0)