Ўзбекистон қишлоқ хўжалиги корхоналари 2017 йилда Свердловск вилоятига 2016 йилдагига нисбатан мевалар етказиб бериш ҳажмини уч баробарга оширди, деб хабар берди «ТАСС».
«Жорий йилда Ўзбекистондан келган мевалар ҳажми 30 фоизга ўсди. Уларга данакли мевалар, узум, олма, ёнғоқ ва қуруқ мевалар киради. Сўнгги олти ой ичида бизга Таиланддан олдинлари расман олиб келинмаган янги ноодатий мевалар кириб келмоқда. Масалан, гуава, питайя, лонган, жекфрут, рамбутан», — дейди «Россельхознадзор» вилоят бошқармаси раҳбарининг ўзинбосари Светлана Терехова.
Унинг сўзларига кўра, 2017 йилнинг 9 ойи давомида ўтказилган кузатув амалиётлари вақтида Россияга олиб кирилиши тақиқланган 36 тонна ўсимлик маҳсулотлари аниқланган. Уларнинг 26,5 тоннаси — олма. Шунингдек, бу давр мобайнида 60 тоннадан ортиқ санкцияга учраган маҳсулотлар йўқ қилинган, бу 2016 йилга нисбатан 10 фоизга кўп демакдир.
Изоҳ (0)