Албанияда бойлигини кўз-кўз қилган ёшлар ижтимоий тармоқ фойдаланувчиларининг нафратига сабаб бўлди (фото)

Instagram’да албаниялик бадавлат ёшлар ҳаётини акс эттирувчи Rich Kids Of Tirana аккаунти интернет фойдаланувчиларининг эътиборига тушди.

Мазкур аккаунтда Албания пойтахти Тиранада яшовчи ёшларнинг қимматбаҳо автомобиллар, ҳашаматли уйлар, даста-даста пуллар ва дабдабали аксессуарлар фонида тушган суратлари эълон қилиб борилади.

Суратлардан Европадаги энг қашшоқ мамлакатларидан бирининг пойтахтидаги бадавлат ёшлар дабдабали ҳаёти ижтимоий тармоқларда ёритилишига умуман қарши эмаслиги маълум бўлади.

https://www.instagram.com/p/BadqKGGBCfp/?taken-by=richkidstirana

Бадавлат ёшлар аксар ҳолларда пойтахтнинг ифлос кўчалари, носоз йўллари ва нураган деворлари ёнида қимматбаҳо автомобилини кўз-кўз қилиб суратга тушган.

https://www.instagram.com/p/BajYNy0hgvU/?taken-by=richkidstirana

Бу ҳолат ижтимоий тармоқ фойдаланувчиларининг нафратига сабаб бўлди. Улар қашшоқ жамият фонида ота-онасининг пули ва бойлиги билан мақтанаётган ёшларни кескин қоралади.

https://www.instagram.com/p/BalSlhjhmyf/?taken-by=richkidstirana

«Бадавлат ота-онасининг ақлсиз болалари. Агар менда шунча пул бўлганида уларни бутун Тирана аҳолиси билан бўлишардим», — деб ёзади фойдаланувчилардан бири.