Британиялик дайвер Жон Крейг Австралия қирғоқларида сув остида балиқ овлаётган вақтда унга акула ҳужум қилган. У ўз қайиғини йўқотиб қўйган ва энг яқин қирғоқдан 7,5 километр узоқликда қолиб кетган, деб ёзмоқда TJournal.
Крейг сувга шўнғигач қайиғидан жуда узоққа сузиб кетган ва йўқолиб қолган. Шу вақтда унинг қайиқдаги шеригида муаммо юзага келган: қайиқнинг двигатели ишламай қолган. Дайвер унга акула яқинлашиб келаётганини сезгач, бақириб, ўртоғининг эътиборини тортишга ҳаракат қилган.
Дайвер бошини сувнинг остига туширганда, акула унга жуда яқин бўлган. Крейг уни қўрқитиш ва масофа сақлаб туриш учун сувости милтиғидан ўқ узган. У қайиқнинг қайтмаслигини тушунган, шунинг учун унинг ягона чораси қирғоққача сузиб бориш бўлган.
Крейг қарийб 10 йил давомида дайвинг бўйича инструктор бўлиб ишлаган бўлса ҳам, бу масофани сузиб ўтиш унга анчагина қийин бўлган. Акула бутун масофа давомида уни таъқиб қилган, бироқ ҳужум қилишга уринмаган.
Крейг қирғоққа сузиб келганда, уни қутқарувчилар вертолёти пайқаб қолган. Дайвер қирғоққа етиб келгунига қадар ўнлаб балиқчилар ва қайиқнинг эгалари қидирув ишларини ташкил қилган. Қирғоқда у ўз рафиқаси ва шериги билан учрашган.
Крейгнинг сўзларига кўра, у акуладан қанча қўрққан бўлса, унинг гўзаллигидан ва табиий муҳитдаги ўзини тутишидан шунчалик роҳатланган.
Изоҳ (0)