Қирғизистонда мамлакатнинг энг асосий музей экспонатларидан бири — ХХ аср ўрталарида топилган IV-V асрларга тегишли мумиёланган қиз жасади дафн этилди. Топилма ўшандан бери Миллий тарих музейида сақланаётганди, дея хабар беради Meduza.
Мумиё дафн этилишини қирғиз экстрасенслари ва башоратчилари ёқлаб чиқди. Улар жасад қаердан топилган бўлса, ўша ерга кўмилиши зарурлиги, акс ҳолда Қирғизистонни «даҳшатли фожиалар» кутаётгани ҳақида огоҳлантирди.
Жасад тақдири Қирғизистон ҳукуматидаги вазирликлараро йиғилишда ҳал этилди. Уни кўмиш фикрини айниқса Қирғизистон маданият вазири ҳаммадан кўп маъқуллади.
«Ленинни сақлашади, чунки у доҳий. Бу қизнинг жасадини ушлаб туришдан нима фойда? У ким ўзи?» — деди Тугелбай Казаков.
IV-V асрларда яшаган қизнинг мумиёланган жасади Боткен вилоятида 1956 йилда топилган ва ўрганишлардан сўнг Қирғизистон давлат тарих музейи экспонатига айланганди.
Изоҳ (0)