АҚШ президенти Дональд Трамп 23 октябрь, душанба куни Япония бош вазири Синдзо Абэни умумий сайловларда ғолиб чиққани билан табриклади ва у билан КХДРнинг ракета-ядро дастури туфайли унга биргаликда босим ўтказишни кучайтириш ҳақида келишиб олди, деб ёзади «ТАСС» Япония вазирлар маҳкамаси бош котиби ўринбосарига таяниб.
«Телефон суҳбати Америка томони сўрови билан амалга ошди. Суҳбат чоғида Трамп бош вазирни сайловдаги йирик муваффақияти билан табриклади. Бунга жавобан Абэ сайлов кампанияси чоғида барча нутқларида Шимолий Кореяни ўз сиёсатини ўзгартиришга мажбурлаш учун, унга босимни кучайтириш аҳамияти ҳақида гапирганини айтди. Икки мамлакат етакчилари бу йўналишдаги ҳамкорлик ҳақида келишиб олди», — деди у.
Трамп ва Абэ, шунингдек, 5—7 ноябрь кунлари кутилаётган Оқ уй раҳбарининг Токиога ташрифи билан боғлиқ масалалар бўйича фикр алмашди.
Изоҳ (0)