Дубайда шотландиялик сайёҳ ўзи билмаган ҳолда бегона эркакнинг сонига тегиб кетгани учун уч ойга қамалди, деб ёзади «РИА Новости».
Ҳодиса одам билан лиқ тўла барда юз берган. «Ёвуз ниятли» бар пештахтаси ёнида туриб, ичимлик олган ва ўз столи томонга кетаётиб, оломон ичидан ўтишига тўғри келган ва тасодифан йўлида турган эркакка қўли билан тегиб кетган. Сайёҳнинг сўзларига кўра, шунчаки у ичимлик бировнинг устига тўкилиб кетишини истамаган.
Воқеадан ғазабланган «жабрланувчи» полицияга шикоят қилган. У охир-оқибат ўз шикоятини қайтариб олган бўлса ҳам, прокуратура ишни кўришни давом эттирди. Шотландияликни жамоат жойида номуносиб хулқ кўрсатишда айблашди ва қамоққа ҳукм қилишди. Ҳимоя томони суд қарори устидан норозилик аризасини бермоқчи.
Изоҳ (0)