Олимлар Саудия Арабистонида нима учун мўлжаллангани номаълум бўлган бир неча юзлаб «тош порталлар»ни аниқлади, деб ёзади «РИА Новости».
Объектлар Ҳаррат-Ҳайбар тоғлигидаги саҳроли лава далалари ҳудудида жойлашган. Бугунги кунгача айлана ва тўртбурчак шаклдаги 400 га яқин иморатлар топилган. Энг кичик тош тузилманинг узунлиги — 13 метр, энг каттасиники — 518 метр.
Оксфорд профессори Дэвид Кеннедининг сўзларига кўра, уларнинг ёши бир неча минг йилга етиши мумкин. Бадавийлар (кўчманчи араблар) бундай конструкцияни «қадимий одамларнинг ишлари» деб атайди.
Бундай «порталлар» аввалроқ Яқин Шарқнинг бошқа мамлакатларида ҳам қайд этилган, аммо профессор Кеннедининг фикрича, Ҳаррат-Ҳайбардаги топилмалар бошқаларидан анча қадимийроқдир.
Изоҳ (0)