Olimlar Saudiya Arabistonida nima uchun mo‘ljallangani noma’lum bo‘lgan bir necha yuzlab “tosh portallar”ni aniqladi, deb yozadi “RIA Novosti”.
Obyektlar Harrat-Haybar tog‘ligidagi sahroli lava dalalari hududida joylashgan. Bugungi kungacha aylana va to‘rtburchak shakldagi 400 ga yaqin imoratlar topilgan. Eng kichik tosh tuzilmaning uzunligi — 13 metr, eng kattasiniki — 518 metr.
Oksford professori Devid Kennedining so‘zlariga ko‘ra, ularning yoshi bir necha ming yilga yetishi mumkin. Badaviylar (ko‘chmanchi arablar) bunday konstruksiyani “qadimiy odamlarning ishlari” deb ataydi.
Bunday “portallar” avvalroq Yaqin Sharqning boshqa mamlakatlarida ham qayd etilgan, ammo professor Kennedining fikricha, Harrat-Haybardagi topilmalar boshqalaridan ancha qadimiyroqdir.
Izoh (0)