Шотландияда туғилиб-ўсган австралиялик созанда Жорж Янг 70 ёшида вафот этди. Бу ҳақда 23 октябрь, душанба куни АC/DС рок-гуруҳининг Facebook’даги саҳифасида хабар берилди.
«Юракда дард билан севимли акамиз ва устозимиз Жорж Янгнинг вафоти ҳақида маълум қиламиз. Унинг ёрдами ва раҳбарлигисиз ҳеч қандай АC/DC бўлмасди», — дейилади хабарда.
Жорж АC/DC асосчилари Мальколм ва Ангус Янгларнинг акаси бўлиб, гуруҳ продюсерларидан бири ҳисобланарди. Шунингдек, Австралиянинг Тhе Easybeats рок-гуруҳида гитара чалар ва қўшиқлар матнини ёзарди.
Янглар Шотландияда туғилиб-ўсган ва 1963 йилда Австралияга кўчиб ўтганди. 1964 йилда Жорж Тhе Easybеаts гуруҳига, 10 йилдан сўнг эса Мальколм ва Ангус АC/DС гуруҳига асос солди.
Изоҳ (0)