Владимир вилоятидаги темир йўл кесишмасида поезд билан тўқнашган автобус хавфсизлик талабларига жавоб бермаган. Бу ҳақда «Ространснадзор» раҳбари Виктор Басаргин маълум қилди, деб хабар беради «РИА Новости».
«Қозоғистон компанияси бизнинг барча талабларга риоя этмайди. Бир томондан, автобуслар тахограф билан таъминланган, шу билан бирга, компания ҳайдовчиси меҳнат ва дам олиш тартибини бузган ёки йўқлиги ҳақида маълумотга эга бўлишнинг иложи йўқ», — деди «Ространснадзор» раҳбари.
«Аммо шундай бўлганига компаниянинг бошқа қатновлари мисолида амин бўлдик. Шунингдек, транспорт воситаси хавфсизлик талабларига жавоб бермаган ва бу фожиага олиб келган», — таъкидлади Басаргин.
Эслатиб ўтамиз, октябрь ойи бошида Владимирда рўй берган ЙТҲ оқибатида 17 киши — 16 ўзбекистонлик ва бир қозоғистонлик ҳалок бўлди.
Изоҳ (0)