АҚШ бошчилигидаги коалиция авиазарбалари оқибатида Раққа вайроналари остида минглаб тинч аҳоли қолиб кетди. Бу ҳақда Россия мудофаа вазирлиги расмий вакили Игорь Конашенков маълум қилди, деб хабар беради «Газета.ru».
Конашенковга кўра, «Раққанинг бошига 1945 йилда АҚШ ва Англия бомбардимонлари оқибатида ер юзидан супуриб ташланган Дрезденнинг куни тушди».
«Ғарб давлатларининг фақат Раққага молиявий ёрдам кўрсатишига шошишларини нима билан изоҳлаш мумкин? Фақат бир нарса — Раққа вайроналарида минглаб кишиларни кўмган АҚШ ва коалиция авиациясининг ваҳшиёна бомбардимонлари изини тезроқ йўқотишга интилиш билан», — деди Россия мудофаа вазирлиги вакили.
Изоҳ (0)