Vladimir viloyatidagi temir yo‘l kesishmasida poyezd bilan to‘qnashgan avtobus xavfsizlik talablariga javob bermagan. Bu haqda “Rostransnadzor” rahbari Viktor Basargin ma’lum qildi, deb xabar beradi “RIA Novosti”.
“Qozog‘iston kompaniyasi bizning barcha talablarga rioya etmaydi. Bir tomondan, avtobuslar taxograf bilan ta’minlangan, shu bilan birga, kompaniya haydovchisi mehnat va dam olish tartibini buzgan yoki yo‘qligi haqida ma’lumotga ega bo‘lishning iloji yo‘q”, — dedi “Rostransnadzor” rahbari.
“Ammo shunday bo‘lganiga kompaniyaning boshqa qatnovlari misolida amin bo‘ldik. Shuningdek, transport vositasi xavfsizlik talablariga javob bermagan va bu fojiaga olib kelgan”, — ta’kidladi Basargin.
Eslatib o‘tamiz, oktabr oyi boshida Vladimirda ro‘y bergan YTH oqibatida 17 kishi — 16 o‘zbekistonlik va bir qozog‘istonlik halok bo‘ldi.
Izoh (0)