Полиция ходимлари пул ундириш учун одамларни ўғирлаган тўрт нафар Ўзбекистон фуқаросидан иборат жиноятчилар гуруҳини зарарсизлантиришга муваффақ бўлди. Уларга нисбатан жиноий иш очилди, деб «Известия» хабар бермоқда.
Марказий Осиё давлатларидан бирининг фуқароси Санкт-Петербургнинг Киров туманидаги полиция бўлимига мурожаат қилиб, унинг таниши номаълум шахслар томонидан ўғирлаб кетилганини маълум қилган.
«78» телеканалининг қайд этишича, қурол-яроғ таҳдиди остида эркакни машинага ўтқазиб олиб қочишган, ариза берган шахсдан эркакни 60 минг рубль миқдоридаги маблағга сотиб олиш сўралган.
Полиция ходимлари тўрт нафар тажовузкорни тезкорлик билан қўлга олишга муваффақ бўлди. Тергов давомида қўлга олинган Ford машинаси текширилиб, у ердан олиб қочилганларнинг шахсий буюмлари ва қон излари аниқланган.
Шунингдек, гумонланувчиларнинг биридан ҳуқуқ-тартибот ходимлари пневматик қуролни тортиб олган.
Ҳозирда жиноий гуруҳнинг барча аъзолари қамоқда сақланмоқда.
Изоҳ (0)