Далай-лама билан алоқаларни давом эттирадиган ҳар қандай мамлакат, ҳукумат ёки ташкилотнинг Хитой билан дўстона алоқаларига путур етиши мумкин. Бу ҳақда Хитой коммунистик партиясининг XIX съездида партиянинг марказий қўмитаси Ягона фронт бўлими раҳбарининг ўринбосари Чжан Ицзюн маълум қилди, деб ёзмоқда «Коммерсантъ». Унинг сўзларига кўра, Далай-лама билан ҳар қандай муносабат Хитой суверенитетига ҳурматсизлик сифатида қаралади.
Чжан Ицзюн таъкидлашича, Далай-лама билан алоқаларни давом эттириш ХХР ҳукуматининг Хитойдаги ягона қонуний ҳокимият эканлигини қисман тан олмаслик ҳисобланади. Шунингдек, у барча мамлакатлар ўз баёнотларида ва ҳаракатларида эҳтиёт бўлишига ва Хитой билан дўстлиги ҳақида ўйлаб кўришига умид билдирган.
Изоҳ (0)