Мадагаскарда 90 дан ортиқ киши ўлатдан касалланиб, ҳаётдан кўз юмди. Бу ҳақда Бутунжаҳон соғлиқни сақлаш ташкилоти маълум қилди, дея хабар беради «РИА Новости».
БССТга кўра, 1 августдан 20 октябргача Мадагаскарда 1153 та ўлатни гумон қилиш ҳолати қайд этилди. Улардан 300 таси тасдиқланди, 94 киши касалликдан ўлди.
Касалланишларнинг 70 фоизи одамдан одамга ўтадиган ва сутка давомида зарур тиббий ёрдам кўрсатилмаса, беморнинг ўлимига олиб келадиган ўпка ўлатига тўғри келди.
Ўлат орол-давлатдаги 114 минтақадан 37 тасида тарқалди.
БССТ Мадагаскарга ўлатга қарши курашиш учун 1,2 миллион доза антибиотик етказди ва жабрланганларга тиббий ёрдам кўрсатиш учун 1,5 миллион доллар ажратди.
Изоҳ (0)