Туркманистонда 2022 йилда мамлакат аҳолиси ва турар жой фондини умуммиллий рўйхатга олиш ишлари ўтказилади. Бу ҳақда «Туркман давлат хабарлари» агентлиги маълум қилди.
Мазкур жараён БМТ Иқтисодий ва ижтимоий кенгаши томонидан 2015 йилда қабул қилинган «2020 йилгача Бутунжаҳон аҳоли ва турар жойни рўйхатга олиш дастури» резолюцияси доирасида ташкил этилади.
Тадбирни юксак ташкилий даражада ўтказиш учун давлат томонидан махсус комиссия тузилиши кўзда тутилган.
Умуммиллий рўйхатга олиш натижалари давлатнинг ижтимоий-иқтисодий сиёсатини янада аниқлаштириш учун зарур. Тадбир давомида тўпланган маълумотлар ижтимоий-иқтисодий соҳаларда, хусусан давлат бюджетини режалаштиришда ҳисобга олинади.
Изоҳ (0)