«Халқ сўзи» ва «Народное слово» газеталари таҳририяти жамоаси пахта теримига чиқди. Бу ҳақда «Халқ сўзи» газетаси сайтида хабар берилди.
«Ҳосилни тезроқ йиғиштириб олишга кўмаклашиш мақсадида таҳририят ижодий жамоаси вакиллари Тошкент вилояти Юқори Чирчиқ туманидаги ‘Пардабой Одилов’ фермер хўжалиги далаларига пахта теримига чиқди», — дейилади газета хабарида.
«Халқ сўзи» газетаси ўз ходимларининг бундай ҳаракатини «ҳиммат» деб атаган ва фермер хўжалиги аъзолари бундан «беҳад миннатдор бўлгани»ни қайд этиб ўтган.
Қайд этишларича, аввалроқ «Халқ сўзи» ва «Народное слово» газеталари таҳририяти жамоаси вакиллари Қорақалпоғистон Республикаси ва вилоятлардаги пахта теримида иштирок этаётган фуқаролар билан учрашган, бевосита иш устида суҳбатлар уюштириб, теримчиларга эсдалик совғалари топшириб қайтган эди.
Изоҳ (0)