Бу мақоламизда зерикарли ва бир-бирига ўхшаш таътил суратларини қандай қилиб дўстлар ва яқинлар ўз кўзлари билан кўришни хоҳлайдиган қизиқарли воқеаларга айлантириш мумкинлиги ҳақида ёзилган ва тажрибали мутахассислар ўз маслаҳатлари билан ўртоқлашишган.
Бу суратлар ким учун эканлигини аниқлаб олинг
Улар шахсан ўзингиз кейинчалик саёҳат ҳақида эслаб юриш учунми? Унда сиз айнан нимани эсда сақлаб қолишни хоҳлашингизни ўзингиздан сўранг.Ёки сиз уларни яқинларингизга кўрсатишни хоҳлайсизми? У ҳолда кўпчилик суратларда ўзингиз бўлишингиз керак, чунки улар сизни ўша жойларда кўришни хоҳлашади.
Суратга олиш объектини танланг
Айни пайтда сиз аниқ нимани суратга олмоқчисиз? Иккиланаётган бўлсангиз суратларга кўпроқ ҳаётийликни қўшинг. Қандайдир воқеаларни топишга ҳаракат қилинг — улар ҳар доим бизнинг атрофимизда содир бўлади. Бирон-бир ғайриоддий иш қилаётган маҳаллий одамга эътибор беринг ва уни суратга олинг. Муносабат ўрнатишга ҳаракат қилинг.Қаторасига ҳаммасини суратга олманг
Суратларни «шунчаки» туширманг. Сизнинг мақсадингиз — янги нуқтаи назарни нимададир кўрсатиш. Баъзан, яхши сурат чиқиши учун, кутиш ва тайёрланиш керак. Суратга ортиқча ҳеч нарса тушиб қолмайдиган мувофиқ ҳолатни излаб топинг.Қизиқувчан бўлинг. Балки бу чорраҳани юз киши суратга туширган бўлиши мумкин, лекин ҳеч кимнинг назари кичкина суқмоқчага тушмаган — сиз эса назар солинг.
Тўғри ёритилишни топинг
Ёритилишнинг ёмонлиги жуда қизиқарли суратни ҳам бузади. Яхшиси олтин вақт деб аталувчи — қуёш нурлари илиқроқ ва майинроқ бўлган пайтда, яъни қуёш ботишидан бир соат олдин ва қуёш чиққанидан бир соат кейин суратга олганингиз маъқулроқ.Манба: «Лайфхакер»
Изоҳ (0)