2017 йил 10 октябрдан 11 октябрга ўтар кечаси номаълум шахс Тошкент шаҳар Учтепа тумани ҳудудида фуқаро Х.О.га тегишли бўлган «ВАЗ-2106» русумли автомашинани олиб қочган. Ички ишлар идоралари ходимлари томонидан ўтказилган тезкор-қидирув тадбирлари натижасида, мазкур автомашина Мирзо Улуғбек тумани ҳудудида топилган. Бу ҳақда Тошкент шаҳар ИИББ хабар берди.
Мазкур ҳолат юзасидан Учтепа тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 267-моддаси 1-қисми билан жиноят иши қўзғатилган эди.
Ички ишлар идоралари ходимлари томонидан ўтказилган тергов-тезкор тадбирлари натижасида, мазкур жиноятни муқаддам судланган Дилмурод Хожиматов содир этганлиги аниқланган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Изоҳ (0)