Buyuk Britaniya kontrrazvedka rahbari (MI5) Endryu Parkerning ma’lum qilishicha, u o‘zining maxfiy xizmatdagi 34 yillik faoliyatidan buyon hech qachon qirollik hududida bu qadar ko‘p teraktlar va ularni sodir etishga bo‘lgan urinishga duch kelmagan, deb xabar berdi The Independent.
Uning so‘zlariga ko‘ra, Buyuk Britaniya “misli ko‘rilmagan va daxshatli terrorchilik hujumini” boshdan kechirmoqda. O‘z so‘zlarining isboti sifatida MI5 rahbari statistik misol keltirdi: joriy yilning yetti oyi davomida uning idorasi va politsiya yettita teraktni oldindan bartaraf etgan, 379 nafar gumonlanuvchini hibsga olingan.
Shu bilan birga, kontrrazvedka ishtirokchilari uch ming kishini tashkil etuvchi ekstremizm va terrorizmga oid 500 ta ish ustida tergov olib bormoqda. Yana 20 ming odam huquq-tartibot xodimlarining nazoratida.
Endryu Parkerning ta’kidlashicha, zamonaviy terrorchilik hujumlari juda tez amalga oshiriladi — rejalashtirish va uni amalga oshirish orasidagi vaqt atiga bir necha kunni tashkil etadi.
Izoh (0)