Россия ядро қуролини тарқатмаслик тартибига қатъий риоя этиб келмоқда. Бу ҳақда Россия мудофаа вазирлиги 12-бош бошқармаси раҳбари генерал-майор Игорь Колесников маълум қилди, дея хабар беради «ТАСС».
«Россияда ядро синовларини ялпи тақиқлаш ҳақидаги шартнома бажарилиши учун 12-бош бошқарма ва унинг хорижий полигонларда ядро синовлари устидан назорат махсус хизмати жавоб беради. Халқаро мониторинг тизимининг Россия сегментига кирувчи аксарият объектлар фойдаланишга топширилган», — таъкидлади Колесников.
Генерал-майорга кўра, бу Россия ядро қуролини тарқатмаслик ва дунёда глобал стратегик барқарорликни мустаҳкамлашга содиқ бўлиб келаётганининг шак-шубҳасиз далиллари ҳисобланади.
Изоҳ (0)