Қироллик ошхонасининг 14 нафар ошпази ва бошқа ходимлари норозилик белгиси сифатида бир вақтда ишдан бўшаб кетди, деб ёзади «АиФ».
Бунга иш шароити сабабчи бўлди. ОАВлар маълумотларига кўра, ошхона ходимлари қироллик оиласи учун овқат пишириш мақсадида гоҳ Букингем саройига, гоҳ Виндзор қасрига доим кўчиб юришига тўғри келгани. Шу туфайли ошпазлар ўз оиласи билан камдан-кам юз кўриша олган.
Шунингдек, журналистлар хабар қилишича, шаҳзода Чарльз худди шу ошпазлар Кенсингтон ва Сент-Жеймс саройларида ҳам овқат пиширишини талаб қилган, аммо қўшимча иш учун уларга ҳақ тўлашмаган.
Натижада ошхонанинг 14 ходими бир вақтда ишдан бўшашга қарор қилган. Букингем саройи матбуот хизмати ҳозирча бу хабарни расман тасдиқлагани йўқ.
Қиролича Елизавета II ҳар йили Виндзор қасрида бир ойча яшайди. Кенсингтон саройида Уильям ва унинг рафиқаси Кэтрин истиқомат қилади.
Изоҳ (0)