Жанубий Корея полицияси Korean Air авиакомпанияси директорлар кенгаши раиси ва касод бўлган Hanjin Group логистика компанияси раҳбари Чо Ян Хони қамоққа олиш учун суддан ордер сўради. Бу ҳақда «ТАСС» хабар бермоқда.
Yonhap агентлига кўра, Чо Ян Хо Korean Air маблағларини ўзлаштиришда айбланмоқда. Полиция у компаниядан ўмарилган маблағ ҳисобидан 2013—2014 йилларда Сеул марказидаги уйини таъмирлашга 2,65 миллион сарфлаганини гумон қилмоқда.
Чо Ян Хо бир ой аввал кўрсатма бериш учун чақирилган ва ўшанда у барча айбловларни рад этганди. Полиция текшируви Жанубий Корея конгломератлари учун қимматбаҳо таъмирлаш ишларини бажарган қурилиш компанияси ҳуқуқ-тартибот идоралари эътиборига тушганидан сўнг бошланди.
Маълумот учун, 2014 йилда Чо Ян Хонинг қизи Чо Хён оиласига тегишли авиакомпания самолёти бортида жанжал кўтаргани учун суд томонидан бир йил қамоқ жазосига ҳукм қилинганди.
Изоҳ (0)