Россия ҳукумати президент сайловига тайёргарлик кўриш режасини ишлаб чиқди

Россия ҳукуматининг президент сайловларига тайёргарлик кўриш ҳақидаги қарори лойиҳаси қонун лойиҳаларни муҳокама қилиш жамоатчилик сайтига жойланди, деб ёзади «Ведомости». Унда сайловни ўтказишга тайёргарлик учун жавобгар бўлган соҳалар тақсимланган.

Масалан, молия вазирлигига Марказий сайлов комиссиясига бюджетдан сайловларни молиялаштириш учун ажратилган маблағларни йўналтириш топширилган. Марказий банк ва «Сбербанк»ка сайлов комиссиялари ва номзодлар учун ҳисоб варақалари очишга тайёрланиш тавсия этилган.

Сайловчилар рўйхатларини мудофаа вазирлиги, ички ишлар вазирлиги, фавқулодда вазиятлар вазирлиги, ташқи ишлар вазирлиги каби 13 та муассаса аниқлаштиради. Бюллетенларнинг олис туманларга етказилиши учун ҳам улар жавобгар бўлади.

ИИВ ва «Росгвардия»га овоз бериш биноларига стационар металл детекторлар ва «объектив назорат учун техник воситалар» ўрнатиш, жамоатчилик тартибини сақлаш юклатилди.