Berlin sudi 88 yoshli ayolni xolokostni inkor etgani uchun 6 oy qamoq jazosiga hukm qildi

Berlin sudi 88 yoshli Ursula Xaferbekni xolokostni inkor etgani uchun 6 oy qamoq jazosiga hukm qildi. Bu haqda Deutsche Welle xabar berdi.

Xaferbek 2016-yil yanvarida ommaviy tadbirda xolokost, ya’ni yahudiylar qirg‘ini bo‘lmagani, Osvensim konslagerida esa gaz kameralari faoliyat ko‘rsatmaganini da’vo qilgandi. 

Uning advokati keksa ayolning sud orqali ta’qib qilish fikr bildirish huquqining buzilishi ekanini bildirdi. Xaferbekning o‘zi aytganlari kitobdan olingan iqtiboslar ekanligini ta’kidladi va uni sud zalida ko‘rsatdi. 

Shunday bo‘lsa ham, sud ayol tomonidan aytilgan gaplarni uning o‘ziga tegishli fikrlar deb hisobladi va 6 oy qamoq jazosiga hukm qildi.

Qayd etish joizki, Ursula Xaferbekka joriy yil avgust oyida ham natsistlar tuzumi jinoyatlarini inkor etgani uchun 2 yil qamoq jazosi berilgandi. 2015-yildan beri u kamida 5 marotaba ozodlikdan mahrum etildi, biroq har gal ular yuzasidan shikoyat yo‘llagani uchun kuchga kirmasdi.