Россия транспорт вазирлиги темир йўл кесишмаларида йўл ҳаракати қоидаларини бузганлиги учун ҳайдовчиларга қўлланадиган жарима миқдорини 5 минг рублгача ошириш ҳақидаги қонун лойиҳасини ҳукуматга киритди. Бу ҳақда вазир ўринбосари Алан Лушников маълум қилди, деб хабар беради «Коммерсантъ».
Гап ёпиқ ёки ёпилаётган шлагбаум, светофорнинг ман этувчи сигналида темир йўл кесишмасига чиқиш, кесишмада тўхтаб туриш ёки тўхташ учун жарима ҳақида кетмоқда. Ҳозир бунинг учун минг рубль жарима кўзда тутилган.
Ҳужжат вазирлик томонидан 2015 йилдан бери тайёрлаб келинарди. Лушниковга кўра, вазирлик дастлаб 30 минг рубль миқдоридаги жарима қўллашни таклиф қилганди, бироқ баҳслар натижасига кўра сумма камайтирилди.
Эслатиб ўтамиз, жорий йил 6 октябрь куни Владимир вилоятининг Петушин туманидаги Покров темир йўл бекатида станциясида поезд ва автобус тўқнашуви содир бўлди. ЙТҲ оқибатинатижасида 16 нафар Ўзбекистон фуқароси ҳалок бўлди.
Изоҳ (0)