«Баткившина» партияси етакчиси Юлия Тимошенко Украинада бўладиган президент сайловида номзод сифатида қатнашиш ниятида. Бу ҳақда «Коммерсантъ» хабар бермоқда.
Тимошенконинг фикрича, «ҳақиқий демократик партиялар ўзаро ҳамкорлик қилиши керак».
«Мен ўз овозимни, ўз жамоам овозини, менга ишонган одамлар овозини энди ҳеч кимга ишонмайман. Аниқ айтишим мумкин: мен президентликка номзодимни қўяман. Биз мамлакатни оёққа турғазиш учун ғалаба қозонамиз. Мен бу ишни бошқа ҳеч кимга ишонмайман», — деди Тимошенко.
Унинг таъкидлашича, Украина собиқ президенти Виктор Юшченко ва собиқ бош вазир Арсений Яценюкнинг қўллаб-қувватланиши «ҳеч нимага олиб келмаган».
Эслатиб ўтамиз, Украинада бўлажак президент сайлови 2019 йилнинг 31 март санасида бўлиб ўтади.
Изоҳ (0)