АҚШ соғлиқни сақлаш тизими ходимлари Флорида штатида 2017 йилда чивиндан Зика вирусини юқтириш билан боғлиқ биринчи ҳолат қайд этилганини маълум қилди. Бу ҳақда Forum Daily хабар бермоқда.
Манате округида яшовчи эр-хотин Кубага борган ва улардан бири ўша ерда Зикани юқтирган.
Жуфтлик уйга қайтгач, вирусни юқтирган шахсни маҳаллий чивин чаққан. Шундан сўнг чивин унинг жуфтини ҳам чаққан ва унга ҳам вирусни юқтирган.
Амалдорлар Флориданинг бошқа ҳудудларида вируснинг фаол тарзда тарқалиш ҳолатларини исботловчи далиллар йўқлигини қайд этган.
2016 йилда Флоридада Зика вирусини юқтириш билан боғлиқ 296 та ҳолат қайд этилган.
Зика вирусини юқтирган катталарда нисбатан енгил симптомлар кузатилади. Бироқ ҳомиладорлик пайтида вирусни юқтирган аёллардан туғилган болаларда жиддий нуқсонлар келиб чиқиши мумкин.
Изоҳ (0)