Мираброр Усмонов ЎФФ президенти этиб тайинлангач очилган ва бу лавозимдан кетиши арафасида ёпилган собиқ Терма Жамоалар Марказининг директори Асқар Толибжонов ташкилот билан хайрлашди. Бу ҳақда ЎФФ матбуот хизмати хабар берди.
ЎФФдаги фаолияти давомида бирорта ҳам келишилган ўйинни аниқлай олмаган Аҳрол Иноятов ишдан кетди
Фарҳод Магомедов ПФЛни топширди. Омон Ғофуров ташкилот бош директори этиб тайинланди
Ҳолат Асқар Толибжоновнинг бошқа ишга ўтгани билан изоҳланган. Бунда у айнан қайси ишга ўтгани очиқланмаган. Терма Жамоалар Маркази тугатилгач Толибжонов расман ЎФФ қошидаги «Спорт маҳоратини ошириш республика олий мактаби» директорининг ўринбосари бўлиб турганди.Эндиликда Асқар Толибжоновнинг 13 октябргача амалда бўлган расмий ўрнига янги номзод кўриб чиқилмоқда. Бунгача «Спорт маҳоратини ошириш республика олий мактаби» директори бўлиб келган Анатолий Климов ҳам ишдан кетган бўлиб, унинг ўрнини Ўзбекистон давлат жисмоний тарбия институтида турли лавозимларда ишлаб келган Фарҳод Ортиқов эгаллагани айтилган.
ЎФФнинг янги раҳбарияти бунгача ПФЛ бош директори Фарҳод Магомедовни, бугун тонгда эса келишилган ўйинларга қарши курашиш бўлими бошлиғи Аҳрол Иноятовни истеъфога чиқарганди.
Изоҳ (0)