Ўзбекистонлик футбол журналистларини ҳақорат қилгани ва миллий терма жамоанинг собиқ бош мураббийи Самвел Бабаянга ҳайкал қўйиш кераклигини айтгани билан танилган ЎФФ ходими Шерзод Эгамбердиев ўз вазифасидан озод этилди. Бу ҳақда ташкилот матбуот хизмати хабар берди.
Эгамбердиев бунгача ЎФФ халқаро бўлими бошлиғига ёрдамчилик қилиб келаётганди. Эндиликда у ҳам, бўлим бошлиғи Александр Давиденко ҳам ташкилотдаги фаолиятини якунлаган. Бу бўлимни ЎФФда 10 йилдан буён меҳнат қилиб келаётган Алим Арифов бундан буён бошқаради.
Арифов Алим 1987 йил Тошкентда туғилган. Ўзбекистон давлат жаҳон тиллари университетининг Халқаро журналистика факультетини тамомлаган. Ўзбек ва рус тилидан ташқари, инглиз тилида бемалол мулоқот қила олади.
Вазифасидан озод этилган Шерзод Эгамбердиевни ишдан бўшатишни футбол журналистлари талаб қилган, шундан кейингина ЎФФнинг эндиликдаги собиқ ходими барча журналистлардан узр сўраганди.
Изоҳ (0)