Қирғизистондаги қозоқ диаспораси вакиллари икки мамлакат фуқароларини провокацияга берилмасликка ва дўстона муносабатларни сақлаб қолишга чорлади. Бу ҳақда 12 октябрь куни Бишкек шаҳрида бўлиб ўтган матбуот анжуманида айтиб ўтилди, деб хабар беради KNews.
Қирғизистондаги қозоқ диаспораси раҳбари Марат Токтоучиковнинг қайд этишича, Қирғизистон ва Қозоғистон халқлари азал-азалдан ёнма-ён тинч-тотув яшаб келган, иккала халқ умумий тарихга эга.
«Аждодларимиз бизга дўстлик ва қариндошлик муносабатларини мерос қолдирган. Айни вақтда халқларимиз ўртасида ўзига хос муносабатлар мавжуд. Уларни асраш ва ривожлантириш керак. Қайд этиш керакки, халқларимизни нафақат тарихий, балки иқтисодий алоқалар ҳам боғлайди. Қозоғистондан йирик инвестициялар киритилмоқда. Мазкур инвестициялар ҳисобидан бир неча ўнлаб йирик бюджетли ташкилотлар фаолият юритмоқда. Шу билан бирга ижтимоий ёрдам ҳақида ҳам унутмаслик керак», — дейди Токтоучиков.
Диаспора вакиллари халқларни ижтимоий тармоқлар ва одамлар орасида тарқалаётган провокацияларга берилмасликка чорлади. Провокациялар оқибатида оддий халқ жабр кўриши қайд этилди.
Изоҳ (0)