Россия президенти матбуот котиби Дмитрий Песков давлат раҳбари Владимир Путин собиқ иқтисодий тараққиёт вазири Алексей Улюкаевга қарши суд ишининг боришига алоқадор эмаслигини маълум қилди, деб ёзади «Газета.ru».
Аввалроқ Bloomberg агентлиги ўз манбаларига таяниб, Россия президенти судда Улюкаев ва «Роснефть» корпорацияси раҳбари Игорь Сечин ўртасидаги телефон суҳбати расшифровкаси эълон қилинишига розилик бергани ёки ҳатто бунга ташаббускорлик қилгани ҳақида хабар берган эди.
Кремлда президентнинг ушбу суд ишига боғлиқ тарзда тилга олинишига қандай муносабатда эканликлари ҳақидаги саволга жавоб берар экан, Песков шундай деди: «Бу низо эмас, бу суд, ва президентнинг унга ҳеч қандай алоқаси йўқ».
Изоҳ (0)