Қирғизистон жамоат арбобларидан бир гуруҳи мамлакатда президент сайлови арафасида юзага келган қалтис вазиятдан хавотир билдириб, баёнот билан чиқди. Бу ҳақда K-News хабар бермоқда. 

Ҳужжатга имзо чекканлар орасида Э.Ибраимова, А.Жекшенкулов, М.Иманкулов, Б.Болотбеков ва бошқа таниқли давлат арбоблари бор.

Унда, жумладан, шундай дейилади:

«Сайловолди пойгаси якунланиши босқичида юзага келган қалтис вазият кишини хавотирга солмоқда. Бугунги кунда маъмурий имкониятларнинг очиқ ва ҳар ерда қўлланиши, криминал гуруҳлар жалб этилиши, суд тизими, ҳуқуқ-тартибот идоралари, сайловлар ўтказиш бўйича марказий ва ҳудудий комиссиялардан ноқонуний фойдаланиш, сўз эркинлигига босим ўтказиш, ‘қора пиар’ ишлатилиши кузатилмоқда. 

Сайлов жараёнининг барча иштирокчиларини шахсий интилишлари ва манфаатларини кўзлаб, жамият бўлинишига йўл қўймаслик, халққа ўз иродасини эркин билдириш имкониятини тақдим этишга чақирамиз. Биз биринчи галда мамлакатда тинчлик ва барқарорликни сақлаб қолишимиз, жамиятни бирлаштириш бўйича мулоқот сари қадам ташлашимиз ва умуммиллий якдиллик жараёнини бошлашимиз зарур».