Собиқ иттифоқ собиқ президенти Михаил Горбачёв Россия президенти Владимир Путин ва АҚШ президенти Дональд Трампни тўлиқ форматда учрашув ўтказиб, ядро қурол-яроғларини қисқартириш ва стратегик барқарорликни мустаҳкамлашни муҳокама қилишга даъват этди, деб ёзади «Газета.ru».
«Мен олий даражадаги тўла-тўкис, тўлиқ форматдаги Россия-Америка учрашувини тайёрлашга ва ўтказишга чақираман. Ядро давлатлари президентлари аллақандай саммитлар доирасида учрашиши бутунлай номақбул — ва бу ҳам атиги бир мартагина бўлган. Умид қиламанки, ҳақиқий саммитга тайёргарлик жараёни олиб борилмоқда», — деди у.
Собиқ сиёсатчи таъкидлашича, агар Ўрта ва кичик масофали ракеталарни йўқ қилиш шартномасини қутқариб қолишга эришилса, бу бутун дунё учун энг йирик ядро давлатлари ўз масъулиятини тушуниб, унга жиддий ёндашиши ҳақидаги сигнал бўлади.
«Ҳамма хотиржамроқ нафас олади, Россия ва АҚШ ўртасидаги алоқалар эса, ниҳоят, тўхтаб қолган жойидан силжийди», — дея хулоса қилди Горбачёв.
Изоҳ (0)