Украина ядровий салоҳиятини қайта тиклашга ҳаракат қилмайди. Бу ҳақда мамлакат президенти Пётр Порошенко 11 октябрь куни Страсбургда ўтган ПАСЕ йиғилишида маълум қилди, деб хабар беради «Корреспондент.net».
«Қримнинг ноқонуний аннексиясидан сўнг Россия тизимни бутунлай барбод қилди. Бундан ташқари, Россия Будапешт меморандуми доирасида Британия, АҚШ, Франция ва Хитой билан бирга бизнинг суверенитетимиз ва ҳудудий яхлитлигимиз кафили эди, ўшанда Украина катталик жиҳатдан иккинчи ўринда турадиган ядровий арсеналини топширган эди. Агар биз уни бервормаганимизда, Россия бизга ҳужум қиларди деб ўйлайсизми? Албатта йўқ», — маълум қилди президент.
Унинг сўзларига қараганда, шунга қарамай, Украина ядровий мақомни қайтаришга уринмайди.
«Аксинча, юиз ядровий қурол тарқатмаслик тизими глобал хавфсизликка йўл деб ҳисоблаймиз. Шу боис бизга жаҳонда бирдамлик керак».
Изоҳ (0)