АҚШ президенти Дональд Трамп Жанубий Кореяга ташрифи давомида КХДР билан ўртадаги номилитар зонага бориши мумкин. Бу ҳақда Yonhap агентлигининг Жанубий Корея мудофаа вазирлигидаги манбасига таяниб, «ТАСС» хабар бермоқда.
Манбага кўра, сентябрь охирида Оқ уй АҚШ етакчисининг «махсус миссияси» учун жой танлагани мамлакатга делегация юборган.
«Улар Пханмунджо ёки унга яқин бошқа чегара пунктини танлаш масаласини кўриб чиқди. Трамп Сариқ денгиздаги Ёнпхёндо ва Пэннёндо чегара оролларига ҳам бориши мумкин», — маълум қилди манба.
АҚШ президентининг Узоқ Шарққа сафари 2 ноябрда бошланади. У Япония, Жанубий Корея, Хитой, Вьетнам ва Филиппинга ташриф буюриши кўзда тутилган.