Фарғона шаҳрида жойлашган Ислом Каримов номидаги санъат саройи хиёбонида Фарғона вилояти ички ишлар бошқармаси ички ишлар органлари таянч пунктлари профилактика инспекторларининг ўзлари хизмат қилаётган ҳудудда осойишталикни таъминлаш ва фуқароларнинг қонуний манфаатларини ишончли ҳимоялаш учун тантанали қасамёд қабул қилиш маросими ўтказилди. Бу ҳақда ЎзАъга таяниб, «Ўзбекистон 24» хабар берди.
Ўзбекистон Республикаси Олий Мажлиси Сенати аъзолари, Қонунчилик палатаси депутатлари, турли вазирлик ва идоралар, давлат ва жамоат ташкилотлари вакиллари, нуронийлар, ёшлар, профилактика инспекторларининг оила аъзолари иштирок этган тадбирда 120 нафар профилактика инспекторига замонавий хизмат уйи ва имтиёзли кредит асосида харид қилинган янги автомашина калити тантанали равишда топширилди.
Тадбирда тинчлик ва осойишталикни таъминлаш, маҳаллаларда турли ҳуқуқбузарлик ва жиноятларнинг олдини олишда профилактика инспекторлари алоҳида ўрин тутиши таъкидланди.
Тадбирда Ўзбекистон Республикаси Олий Мажлиси Сенати Раиси Ниғматилла Йўлдошев, Бош вазир ўринбосари, Республика Хотин-қизлар қўмитаси раиси Танзилла Норбоева, ички ишлар вазири Пўлат Бобожонов иштирок этди.
Изоҳ (0)