Ахборот хавфсизлигини таъминлаш маркази директори Зафар Раҳматуллаевнинг виртуал қабулхонаси иш бошлади. Бу ҳақда марказ ахборот хизмати хабар бермоқда.
Виртуал қабулхона соҳада фаолият юритувчиларнинг мурожаат, шикоят ва таклифларини онлайн тарзда қабул қилиш, аҳолини ахборот хавфсизлиги доирасидаги мурожаатларига жавоб бериш ишларини автоматлаштириш билан бирга енгиллик ва қулайликлар яратиш мақсадида ташкил этилди.
Ахборот хавфсизлиги соҳасига оид саволлар, шикоят, мурожаат ва таклифлар билан vq.infosec.uz ҳаволасига кириб, махсус шаклни тўлдириш орқали маркази директорига тўғридан тўғри мурожаат қилиш мумкин. Виртуал қабулхона орқали онлайн мурожаат юбориш шакли ҳамма учун тушунарли ва содда тузилган.
Мурожаатлар ўз вақтида ҳамда ижобий кўриб чиқилиши учун ҳар бир масала алоҳида ва тушунарли тарзда йўлланиши мақсадга мувофиқ. Виртуал қабулхонада мурожаат ҳолатини (кўриб чиқиш жараёнида, кўриб чиқилган) текшириш имкони мавжуд. Фақат мурожаатни киритиш учун шакл оммавий оферта билан танишилганлиги тасдиқлагандан сўнг ишга тушади. Энг муҳими, онлайн мурожаатда электрон рақамли имзо талаб қилинмайди.
Шу билан бирга, марказнинг (+998 95) 170-98-97 кун-у тун ишловчи телефон рақамига боғланиб мурожаат қилиш имкони ҳам мавжуд. Айни вақтда марказда ушбу мурожаатлар билан ишлаш бўйича ишчи гуруҳи фаолият юритмоқда.
Изоҳ (0)