Россия Тергов қўмитаси терговчилари 6 октябрь куни Владимир вилоятидаги темирйўл кесишмасида поезд билан тўқнашиб, 17 кишининг (жумладан, 16 нафар ўзбекистонликнинг) ўлимига сабаб бўлган автобус ҳайдовчисини қўлга олди. Бу ҳақда «ТАСС» хабар бермоқда.
Хабар беришларича, терговчилар «автобус ўз техник ҳолатига кўра йўловчиларни ташиш учун яроқсиз аҳволда бўлган»ини аниқлаган.
«Шунга қарамай, автобус ҳайдовчиси Нургали Сарманов мавжуд носозликларни билгани ҳолда, йўловчи ташиш бўйича хизматларни кўрсатишда давом этган», — деди Тергов қўмитаси вакили.
Қайд этишларича, яқин вақт ичида Сармановга нисбатан истеъмолчилар ҳаёти ва саломатлиги хавфсизлиги талабларига жавоб бермайдиган хизматларни кўрсатиш, эҳтиётсизлик оқибатида икки ва ундан зиёд шахсларнинг ўлимига сабаб бўлиш ҳолатлари бўйича айблов эълон қилинади.
Изоҳ (0)