Бугун — 10 октябрь куни ЖЧ—2018 учун курашни давом эттираётган Австралия ва Сурия термалари плей-оффнинг жавоб ўйинида майдонга тушади. Томонларнинг Малайзияда ўтган биринчи тўқнашувида ғолибни аниқлаб бўлмаганди — 1:1.
ЖЧ—2018. Ўзбекистонни мундиалдан четда қолдирган гол муаллифи Сурияни иккинчи бор қутқарди
Тошкент вақти билан 14:00 да старт оладиган учрашувни ўзбекистонлик ФИФА рефериси Равшан Эрматов бошқариб боради.Мазкур жуфтлик ғолиби Осиё учун берилган яримта йўлланмани бутун қилиш учун Шимолий Американинг тўртинчи жамоасига қарши саф тортади. Мексика ва Коста-Рика Россия—2018 учун чиптани қўлга киритиб улгурган. Учинчи йўлланма учун АҚШ, Гондурас ва Панама ўзаро курашмоқда. Тўртинчи жамоа ҳам табиийки, шулар орасидан бўлади.
Австралия Осиё саралашининг «B» гуруҳини Япония ва Саудиядан кейин 3-ўринда якунлаган бўлса, Сурия термаси «А» гуруҳида Ўзбекистонни ортда қолдирган ҳамда Эрон ва Жанубий Кореядан кейинги поғонани банд этганди. Қайд этиш керак, Австралия термаси ОФК аъзоси бўлгач, ЖЧ саралашларининг дастлабки иккитасини муваффақиятли якунлаб, ЖАР ва Бразилия мундиалларига борганди. Айни пайтда улар плей-оффдан умидвор.
Ўйин «Спорт-ТВ»нинг кечки дастурига киритилиши катта эҳтимол. Тошкентдаги Challenger теннис турнирида Денис Истомин кортга чиқиши инобатга олиниб, Австралия — Сурия ўйини кечроққа қолдирилган.
Изоҳ (0)