Шимолий Кореянинг расмий матбуоти Жанубий Корея ва АҚШ махсус хизматлари томонидан мамлакат етакчиси Ким Чен Инга қарши уюштирилган суиқасднинг олди олингани ҳақида хабар берди. Бу ҳақда «Интерфакс» ёзмоқда.
«2017 йил майида мамлакатимизга АҚШ Марказий разведка бошқармаси ва Жанубий Корея разведкаси буйруғига биноан етакчимизга қарши биологик ва кимёвий субстанциялар қўллаган ҳолда суиқасд уюштириш мақсадида кирган террорчилар гуруҳи ушланди», — маълум қилди Корея марказий телеграф агентлиги.
«Бу АҚШнинг асл табиатини намоён этади», — қўшимча қилинади хабарномада.
Ҳозирча бу ҳақда АҚШ томонидан бирор баёнот берилмади.
Изоҳ (0)