Ислом инқилоби қўриқчилари корпуси (ИИҚК) раҳбари Муҳаммад Али Жафарий АҚШ президенти Дональд Трампнинг маъмуриятини Эронга нисбатан янги санкциялар киритилишининг юзага келиши мумкин бўлган эҳтимолий оқибатлари ҳақида огоҳлантирди. Бу ҳақда «Коммерсантъ» хабар бермоқда.
Маҳаммад Али Жафарий АҚШ томонидан ИИҚКнинг террорчилик ташкилоти сифатида тан олиниши ҳақидаги баёнотига изоҳ берди. Корпус раҳбарнинг айтишича, бундай ҳолатда ИИҚК америка армиясига ИШИД кучларига бўлган каби муносабатда бўлади.
The Washington Post 5 октябрда Дональд Трампнинг кейинги ҳафтада Эрон ядро дастури бўйича савдоларни тўхтатишни режалаштираётгани ҳақида хабар берган эди. АҚШ раҳбарининг фикрича, Эрон келишув шартларига риоя қилмаяпти, бу эса америка миллий хавфсизлигига таҳдид солмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)