Ироқ Курдистони раҳбари Масуд Барзоний ҳамда Ироқ вице-президентлари Айид Аллавуй ва Усам ан-Нужайфий курд автономиясига нисбатан қўлланилган санкцияларни бекор қилиш юзасидан келишиб олди. Бу ҳақда «Коммерсантъ» хабар бермоқда.
Йиғилганлар вазиятни юмашатиш ва Курдистон ҳудудидан тезда санкцияларни олиб ташлаш учун Ироқнинг асосий сиёсий томонлари ўртасида мулоқот ва учрашувлар бошланиши юзасидан келишиб олган.
Ироқ ҳукуматининг 27 сентябрда кучга кирган қарори курд автономияси билан халқаро парвозларни тўхтатиш кўзда тутган. Бундай чора 25 сентябрда Ироқ Курдистонида мустақиллик ҳақида референдум бўлиб ўтгач қабул қилинган. Референдумда иштирок этганларнинг 93 фоизи мустақиллик учун овоз берган.
Изоҳ (0)