Қирғизистон бош вазири ўринбосарининг ёрдамчиси, унинг ҳайдовчиси, шунингдек, вазир ўринбосарининг ўзи — Темир Жумақодиров Қирғизистон шимолида содир бўлган ЙТҲ оқибатида ҳалок бўлди. Бу ҳақда Қирғизистон Вазирлар Маҳкамасига асосланиб, «ТАСС» хабар берди.
Бишкек — Қораболта трассаси бўйлаб ҳаракатланган Жумақодировнинг хизмат автомобили «КамАЗ» русумли юк машинаси билан тўқнашган.
Айни вақтда ушбу йўл-транспорт ҳодисасининг барча тафсилотлари ўрганилмоқда.
Қирғизистон ИИВ матбуот котиби Бакит Сейитовнинг маълум қилишича, вазирлик бош вазир ўринбосарининг ўлими юзасидан жиноят ишини очади.
Агентлик маълумотларига кўра, юк машинаси ҳайдовчиси шифохонага ётқизилган.
Темир Жумақодиров ҳукуматда хавфсизлик масалаларига жавоб берган ва 15 октябрга белгиланган президентлик сайловига тайёргарлик кўриш ва ўтказиш республика штабига раҳбарлик қилган. У 26 августда ушбу лавозимга тайинланган эди. Жумақодиров Талас шаҳридаги сайлов участкаларининг сайловга тайёрлигини текшириш учун кетаётган эди.
Изоҳ (0)