Сурия ҳукумат кучлари иттифоқ кучлари билан биргаликда Хомс вилоятининг шарқида 1,8 минг квадрат километр ҳудудни озод этиб, ИШИД террорчилик ташкилотига қарши ҳарбий операцияларни якунлади. Бу ҳақда суриялик ҳарбий манбага асосланиб, «РИА Новости» хабар берди.
«Сурия армиясининг Хомс вилояти шарқидаги операцияси ИШИДнинг сўнгги мудофаасини яксон этди. 1,8 минг квадрат километр ҳудуд озод этилди. Охирги ўнлаб қишлоқлар назорат остига олинган», — дейди агентлик суҳбатдоши.
Шу билан бирга, қўшни Дайр-аз-Зор вилоятида террорчиларнинг йирик мудофааси жойлашган Майадин шаҳри томон ҳаракатлар давом этмоқда. Армия шаҳарнинг ғарбий чеккасида террорчиларга қарши жанг қилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)