Кубадаги америкалик дипломатлар «акустик ҳужумлар»га нафақат дипломатик қароргоҳларда, балки Nacional ва Capri меҳмонхоналарида ҳам дуч келди. Бу ҳақда АҚШнинг халқаро хавфсизлик бўйича маслаҳат кенгаши сайтида маълум қилинди, дея хабар беради «РБК».
Кенгаш хабарига кўра, АҚШ ҳукумати мазкур меҳмонхоналарда истиқомат қилишга чекловлар жорий этди.
Олдинроқ АҚШ мамлакатдан Кубанинг 15 нафар дипломатини чиқариб юборган ва бу Гавананинг америкалик дипломатларга «акустик ҳужум» муносабати билан тегишли чоралар кўришга қодир эмаслиги билан изоҳланганди.
Кубадаги АҚШ элчихонаси ходимларига акустик ҳужумлар август ойида рўй берди. Давлат департаменти бунинг оқибатида 22 киши жабрланганини билдирди.
Изоҳ (0)