Россиядаги объектларнинг «миналаштирилгани» ҳақидаги телефон қўнғироқларидан кўрилган зарар 300 миллион рублдан (5,2 миллион доллар) ошди. Бу ҳақда ФХХ директори Александр Бортников маълум қилди, дея хабар беради «РИА Новости».
Хизмат раҳбарига кўра, кишилар ФХХ фаолияти қоидаларига мувофиқ эвакуация қилинди.
«Полиция, Росгвардия ва биз қандайдир қарор қабул қилишдан аввал олинган маълумотни текшириб кўриш учун барча чораларни кўришимиз талаб этилади. Террорчилик таҳдиди ҳақидаги ёлғон хабарлар учун жавобгарликка оид олдинроқ қабул қилинган қонун-қоидалар мавжуд. Юз берган ҳодисалардан келиб чиқиб, яна нима қилиш мумкинлигини кўриб чиқиш лозим. Чунки етказилган моддий ва маънавий зарар салмоқли бўлди. Иқтисодий зиённи дастлабки кунлардаёқ ҳисоблаб чиққандик: қўнғироқлар бўлган объектлар 300 миллион рублдан кўпроқ зарар кўрди», — деди Бортников.
Эслатиб ўтамиз, олдинроқ ФХХ Россияда бомба ўрнатилгани ҳақидаги сохта хабарлар ташкилотчиларини аниқлагани маълум қилинганди.
Изоҳ (0)