Филиппиндан сув босимини ҳосил қилувчи цистернанинг портлаши оқибатида камида уч киши ҳалок бўлди. Бу ҳақда CNN Philippines телеканалига таяниб, «РИА Новости» хабар берди.
Телеканал маълумотларига кўра, портлаш Балакан провинциясида маҳаллий вақт билан соат 03:30 ларда содир бўлган. 2 минг куб метрдан ортиқ сув 13 метрли баландликдан яқин атрофдаги уйлар устига қулаб тушган.
Нохуш ҳодиса оқибатида бир ёшли чақалоқ, 50 ёшли полициячи ва 22 ёшли қиз ҳалок бўлган. Яна 42 нафар киши жароҳат олган, жумладан, икки нафарининг аҳволи оғир.
Цистернанинг қулашига нима сабаб бўлгани аниқланмоқда. Расмийлар мактабдаги ўқув машғулотларини бекор қилган ва йўлнинг айрим қисмларини ёпиб қўйган.
Изоҳ (0)