Туркия Афринда ҳарбий операция бошлашга тайёрлигини билдирди

Туркия Суриянинг Африн минтақасида курдларнинг YPG мудофаа кучларига қарши операцияни бошлашга тайёрлигини билдирди. Бу ҳақда Туркия президентининг матбуот котиби Иброҳим Қалин баёнот берди, деб хабар қилади «РИА Новости».

Анқара YPG ҳаракатини Курдистон ишчи партияси билан боғлиқ террорчи ташкилот деб ҳисоблайди. Охирги ойларда матбуот Туркия ҳарбий техникаси Африн чегарасига олиб келинаётгани ҳақида бир неча марта хабар қилди.

«Биз Африндаги вазиятга аралашишимиз мумкин, зарур бўлганда, трансчегаравий операцияга барча тайёргарлик ишлари якунланди», — деди Қалин TRT телеканали эфиради.

Қалин миллий хавфсизликка таҳдид уйғониши билан операция бошланишини қўшимча қилиб ўтди.